El grupu profesional de teatru Producciones Nun Tris
va estrenar el montaxe

"El Caballeru de la Murnia Figura"

que ye una igua de la novela cervantina "El ingenioso hidalgo D. Quijote de la Mancha" fecha por l'autor Pedro Lanza Alfonso.

El divertiu montaxe tá empobináu a un públicu infantil, anque ye afayadiegu pa toa mena públicu, y narra la vida d'Alonso Quixano, y dalgunes de les sos más prestoses aventures.

Ye una honra pa nós, nel cuartu centenariu del espublizamientu de la novela, y amas nel día del llibru, que conmemora la muerte de Cervantes, facer la so primer versión n'asturiano.

El repartu ta integráu poles actrices Carmen Gloria García Suárez ya Inma Rodríguez, y polos actores Avelino Arias Requexu, Luis Fdo. Alvarez Marrot "Win" y Toño Caamaño. Empobinen la puesta n'escena Inma Rodriguez y Toño Caamaño

La estrena va facese na sala Alarcos, na Biblioteca pública del Fontán, n'Uviéu, el vienres 22 d'abril a les 19,00 h.; podrá vese tamién en Posada Llanera el dia 27 y en en Sama el 6 de Mayu.

Esperamos que vos preste.

Producciones Nun Tris
pnuntris@netcom.es
www.netcom.es/pnuntris
Posted by Hello