Ye entá presente


De xemes en cuando
ye bono, bien lo sabes,
asomase a la ventana,
remembrar l'arume la tarde.

De xemes en cuando
ye bono, bien lo sabes,
asomase a la ventana
y tastiar de nuevo la lluvia;
parase en metá la sienda
y esfrutar sele del tiempu:
porque güei, porque agora,
ye entá presente.


Vanessa Gutiérrez

Entellunu Revista de Lliteratura
Xineru 2005 Númberu 4 y últimu
Editorial TRABE
Posted by Hello