Stoned Atmosphere manden

Proteutores l.luvies | 23 Xineru, 2005 17:04 L.levo dende la primer selmana d'Avientu escuchando de forma cuasi osesiva el mesmu grupu. Esto nun ye tan estraño, me pasare munches otres vegaes con otres bandes (Uranus, His Hero is Gone, Unhinged... na década pasada, Converge, Neurosis, GodSpeed you Black Emperor... no que vá andao d'esta década), pero cumo d'aquella nun tenía weblog emplegaba mecanismos estremaos pa espublicitales. El caso ye que Stoned Atmosphere son dos guah.es ( col pasu del tiempu tengo que calificar a los menores de 25 cumo guah.es, p'asina siguir calificándome a mín mesmo de xoven :-) de la Cuenca'l Nalón faciendo HipHop combativu. A dicir verdá son la primer banda d'este xéneru que me presta (siendo sincero siempres tuvi abondo prexuicios, normalmente xustificaos, escontra d'esti estilu, pero esta banda ye daqué perespecial). Nun tienen les típiques lletres raperes de "soi más malu ya más guay que tú", sinon que na so llírica predomina la intelixencia ya'l sén críticu. Temes cumo "Patria Sin Sol" son un auténticu himnu (bono, más bien un Réquiem), qu'amuesa que pesie a les prexubilaciones, pesie al Cuadonguismu, pesie al Gochu Fartón... n'Asturies sigue esistiendo un espíritu críticu, un espíritu que menacia con resucitar dalgún díi a la vieya nación de los Astures... (bono, yá empecipié amestar rialidá con pulsiones del soconsciente) El casu, díi a: http://www.4x4hiphop-maquetas.com/grupos_maqueta_stonedatmosphere_issue3_mp3.htm ya descargaivos toos los temas, pero en primer llugar baxaivos "Patria sin Sol", escuchalo con calma, ya si nun vos sentis identificaos ye que nun vivisteis n'Asturies nos caberos 30 años... Ye una llástima que nun cancien n'asturianu, porque entós sedríen dioses... Si vos presten, díi preparándoos, porque nos prósimos meses, cuando tea disponible pa mercar, vos informaré de la demo del primer grupu de HipHop n'asturianu de la hestoria.