UN POEMA DE VANESSA

HOLA Pasó’l tiempu desfaciendo la memoria. El vientu azotáu del odiu espardióla a cachinos y a momentos per otros cuerpos. Confieso agora, non ensin rabia, qu’olvidé tolo que nos unió un día. Qu’entregué la to presencia a la primer piel que s’arrimó al mio silenciu. Que nada hai de ti nin de min nestes tardes de branu nes que vuelves a casa. Pero equí tamos (perversu destín que me fai confesar) y podemos xurdir del agua tan desnudos como la otra vez: Hola. ¿Qué tal? Soi la desmemoria… y traigo sede. Para PoPNoX. Vanessa Gutiérrez